معناتي مع الرخصه العمومي

[! ولد ابوي !]

أحب اعرفكم على نفسي قبل ما ابدا بموضوعي الماهج
الاسم / ولد ابوي << قل والله
العمر / فوق العشرين واقل من الاربعين >> الباقي عليكم ههههههههه
الشهاده / سادس حتى للأمانه مضيعها وهي بدل فاقد << مامنه آمل

7
7
7
7
7
7


تبداء سالفتي يوم حصلت وضيفه بس طلبو شروط
كل الشروط اللي طلبوها معي ما عاد الرخصه العمومي

تعرفون وقتها كنت اطفر من البنقاليه الي توهم داخلين السعوديه
بس فيه كم عنز عند اميمتي قلت بابيعهم عشان اطلع الرخصه العمومي
عشان ادخل على الشركه واكمل لهم اوراقي وانا نافخ صدري اني بتوضف
<< شاف الدراهم ومستعد يبيع حتى امه فوق المعزاءههههههههه

وبالروح التاسعه بعد ما قلت ياميمتي اول راتب اشتري لك مو بس معزا حتى يمكن اشتري لك معهم بعارين
<< حت على امه ينصب ههههههههه

وتم بحمدالله بيع المعزا
ورحت لمدرسة عشان اطلع الرخصه
ومير يمر شهر لين اجتزت الاختبار واخذت الرخصه العمومي

رجعت لشركه ورزيت لهم الرخصه مع باقي الاوراق
وتم اختباري التجريبي عندهم سلموني وايت ( صهريج مياه ) طبعاً مويه تحليه
هالشركه شكره كبيره حقت الطرق شفتو اللي يرشون مويه على التراب صرت واحد منهم
<< مستانس هو ووجه
قالو يلا اطلع عبي مويه من المكان المخصص حق الشركه عشان نجربك بكرا كيفك شغلك
رحت وعبيته قلت اليوم بروح لبيتنا بالسياره منها اوريها شباب الحاره هههههههه
وانا بطريقي للحاره وقفني واحد ما اعرفه قال لي ساعه ابحث عن وايت يعبي لنا مويه
تعرفون فيني طيبه زايده وفيني شوية مصلحه وخاصه اذا فيه دراهم ههههههههه
رحت ورى الرجال ونزلت عنده مترين مويه سآلني كم الحساب قلت 50 ريال
قال تفضل وقال على فكره فيه اثنين باتصل فيهم يمكن يبون مويه للأسراحات حقاتهم
دق عليهم وقال عندي سياره كبيره حقت مويه تحليه شوي وسكر منهم واعطاني عنوان الاستراحتين
رحت لاول وحده وعبيت فيها واخذت لي 100 ريال
ورحت لثانيه ويوم صفيت بالريوس الا ويطلع راع الاستراحه نفسه المشرف حق الشركه اللي اشتغل فيها
ومير يتلني من ثوبي وش اسوي فيك
وياخذ المفتاح ويقول اقلب وجهك مالك شغل عندنا
انا شفتها خربانه خربانه قمت ازفه بهالكحي جعله يجيك شلل بخشمك اللي تقول قير وايت
>> عشان ما يسوق الوايت هههههههه
انا شفته ساكت قلت هذا اكيد خاف مني قلت له كلمه بعدها ما دريت وين انا الا لمن صحيت في غرفه رقم 6 جراحه
وخشمي عليه لفه اكبر من عمامة السودانيه

ولكم شوي على الذاكره

مرات اصيح يوم اشوف الهندي احسبه ابوي
ومرات يوم يجي الهندي عشان ابوسه اعطيه مخمس يمشي مليون

هذي قصتي عشان الرخصه العمومي كيف حصلتها وليش حصلتها

فيه سالفه يوم صرت سواق برادات كبيره كنت احمل من السعوديه
وانزل البضاعه بتركيا آه يازين ذيك الماسآه يوم وانا في مطعم تعرفت علي بنت تركيه
قضينا أجمل الاوقات وبعد ما شفت المسلسلات التركيه عرفت انها توبا (لميس وعاصي )
يافديت خشتها يوم اشوفها في الليل اشك ان الصبح طلع

الفوائد

1/اذا ما عند امك معزاء ما عندك سالفه

2/ مشكلة اللي ما معه شهاده فوق الثانويه مع ان راعين الواسطات جننونا

3/ اسرع موضوع اكتبه بـ 17 دقيقه من العجله

4/ انتفوني اذا فيه اكمخ مني غيركم

5/ بقلمي < طس هاع

[! الـمــايـســتـــرو !]

اقتباس معناتي مع الرخصه العمومي

ياشين المعاناهـ

اقتباس أحب اعرفكم على نفسي قبل ما ابدا بموضوعي الماهج الاسم / ولد ابوي << قل والله العمر / فوق العشرين واقل من الاربعين >> الباقي عليكم ههههههههه الشهاده / سادس حتى للأمانه مضيعها وهي بدل فاقد << مامنه آمل

هلـآ واللهـ

اقتباس تبداء سالفتي يوم حصلت وضيفه بس طلبو شروط كل الشروط اللي طلبوها معي ما عاد الرخصه العمومي

انا عندي واسطه دق علي او كولمي << إيهـ هين خلني آرد عليك ,,هـع

اقتباس 3/ اسرع موضوع اكتبه بـ 17 دقيقه من العجله

كفيت و وفيت يا الدلخ

حيث ان الموضوع مكتمل مثل راعيه.

اقتباس انتفوني اذا فيه اكمخ مني غيركم

منتوف منتوف الله لا يعيق احد
يسعدك ربي




يعطيك العافيه.