آبيك آنتي محد [غيرك] ..!

[۾ ـازن]

آبيك آنتي محد [غيرك] ..!
بسم الله الرحمن الرحيم

هلااا والله فيكم حبايب قلبي

اخباركم ..؟؟

المهم ان شاء الله تكونون كويسين

هذي ثاني قصة انزلها لكم او ممكن تكون روايه

لاحظوا انزلهاا يعني الفت غيرهاا كثير بس ما نزلتهااا او انزلها بمكان ثاني

طبعا هذي الروايه الفتها توني يعني كل خميس ان شاء بنزل لكم بارت

ويكون في علمكم ها البارت الي بنزله الحين قصير وانا مضطر اني اخليه قصير

لاني مو على جهازي يعني ع السريع

وان شاء الله اتابعها معاكم والله هالله بالتشجيع والتوقعات والتقييم

ومثل ما قلت ها البارت قصير

نبدأ وعلى بركة الله


رفع عينه من شاشة الاب توب ويطالع الباب
اووووف وربي موناقص ازعاج ها الخبلة قام وفتح باب غرفته وشافها بوجهه
سامي::/خير..؟؟
ربى::/سلام
سامي::/وعليكم خير ويش وراه ها البتسامة الله الكافي..!!
ربى::/ويش الي خير يلااا ودني
سامي:يمسح وجهه بيدينه::/ووين اوديك..؟؟
ربى :بكل براءة::/الزواج
سامي:بتأفف طالع من قلبه::/وزواج مين هذا الي بتروحين له من العصر...؟؟
ربى:وهي تضبط عبايتها ومو حاااطه بالها معاها هههه::/طالع في الساعة زين الحين الليل والساعة 11 مو العصر
سامي:يضحك بسخرية::/طيب ويش الفرق ..وبعدين انتي ويش دخلك بعد في الزواج ناقزة من الحين
شوفي زواجي انا بس(ويأشر بأصبعه عليها من فوق لتحت)تكونين بها الكشخة وتروحين بدري
ربى:وقفت من تعديل شكلها وتطالع عليه::/بتوديني ولا لا..؟؟
سامي::/الا بوديك بس قولي لي زواج مين..؟؟
ربى:وهي تكمل تضبيطها لشكلهاا::/زواج سماح صديقتي
انصدم ساامي وتغيرت ملامح وجهه وبدا يبلع بالقوة ريقه ::/زواج مين..؟؟
ردت ربى بكل براءة::/زواح سماح صديقتي
سامي:باندفاع::/مو هي خطيبتي..؟؟
ربى رااحت فيها من الضحك وردت عليه::/ياخي انت عارف ابوها لو جاه واحد غني ينسى كل الي قبله
سامي:مسوي معصب::/الله يقلعه بس ما يجوز صح..؟؟
ربى::/يا هووو اروح ملح انا انت من متى تعرف يجوز ولا ما يجوز
يااخي يسعد ربي العم سعد خلاااك تنطق شي بالدين
ناظرها سامي بنظره لها الف معنى::/ويش قالوا لك عني كافر ولا كافر
احمدي ربك فاتح ملجأ واربي فيه ايتام
ربى::/ملجا في عينك انا بنت اخوك يعني تتحملني غصب
واحمد ربك انت اني ع الاقل ارتب لك الشقه حقتك يعني وحدة بوحدة
سامي::/ ترتيبك للشقه ما يجي مشوار واحد من مشاويرك الي ما تخلص
اقول لو ما تحترميني ولا والله ما اوديك زواج خطيبتي خخخخخ حلوة خطيبتي
بس والله ابوها خااين انا خطبتها قبل بالله انتظري بروح معك الزواج بشوف زوجها
الي فضله ابوها علي
ربى::/هووي انت عموو لا تتميلح لانك ابيض ووسيم تراا الرجال بجيوبهم مو اشكالهم
انت حيا الله مدرس كل يوم تتطاق مع المدير اتوقع انه يومين ويطردك من المدرسة
سامي طلع من الغرفة وهو ينزل ثوبه ورامي شماغه على كتفه::/قسم ذا المدير
ودي اشوفه في يوم من الايام في حبل المشنقة
يا انا يا هو بالمدرسة
غصب امسك النظام
ربى وهي تمد له العقال ::/طيب واستاذ سالم مو كان حق النظام
سامي وهو يعدل الطاقية::/انتي قلتيها كااان والحين دوري وانتي عاارفة راحتي من الاشياء الي تنكد على المدير
عشان كذا لازم يشوف لي شغلة يا صديقتي ..وباس جبينها واخذ العقال..
ربى::/تدري الحسنة الوحيده فيك انك تحسن معاملة الايتام
سامي::/قولي معاملتي لانه مافي في الوجود يتيمة احسن منك
الا قولي لي متى توفوا اهلك
لفت ربى فمها على جنب::/انت ليش تقلب المواجع..؟؟
ابسم سامي وهو يقول::/لا يا دلختي الحبيبة انا نااوي اسوي لك مفاجأة هذا اليوم
ربى ومازالت تكشيرتهاا على وجهها::/وما لقيت الا ذاك اليوم
اتسعت ابتسامة سامي::/ايه لان من هذاك اليوم وانتي ساكنة معي
ربي::/وبتسويها حركة يعني كل سنة حفلة
سامي::/عليك لمبة حمرا ذااك اليوم تشوفين ويش بسوي ..الا تعالي وين عمار
ربى ::/نايم
سامي:وهو يسكب الشماغ::/تدرين (طالع عليها)لو تصفقيني احسن صح..؟؟
ربى :ابتسمت له::/ما يهون علي
سامي::/ يلااا قومي عمار من النوم عشان لا يجلس لحاله بوديه
عند صديقي يلعب مع ولده وانا بنتظركم بالسيارة
وراح سامي يشغل سيارته
وقفت ربى مكانها تفكر في عمهاا
"ياربي احفظه لنا وربي حياتنا من دونه لا شيئ اااه يا عمري فديت قلبه"
انتبهت على بوري السيارة الي نبهها انها باقي ما قومت عماار وراحت
تستعجله عشان لا تخرب المود حق عمهااا







هذا هو سامي بطل قصتي وبنت اخوه ربى
ماتوا اهلهاا وعمرها 10 سنوات وتكفل هو بتربيتهاا
عمره 32سنة مدرس جغرافيا
ما يعرف من الدين الا لااله الا الله بس واحيانا عليه طلعات غريبة
لكن اخلاقه حلوه بتعرفون شخصيته خلااال القصة





ربى عمرهاا 18 سنة بنوته حلوة وطيوبه كثيييير وتحب عمهااا بكل صفاته
لانه يعاملها كصديقة اكثر من انها بنت اخوو




ويسكن معاهم بنفس البيت ولد اخت سامي وهو عمار عمره 7 سنوات وعااد هذا
بتعرفون قصة اهله مع تسلسل الاحدااث



تابعوني وكل خميس مثل ما اتفقنا ننزل بارت



توقعاتكم تساااعدني كثيير لاني مثل ما قلت لكم
ها الرواية من راسي ع المنتدى حتى بالمفكره ما اكتب
بااقي لا تتوقعون الحين لما اطلب توقعوا بكيفكم خخخخخ





اخوكم مزوون:)

[!ا شــ الـ غ ــرام ـــوق ا!]

مفكرنا المُبدع

مااازن

ما شاء الله

والله رائعة وتعايشت معها وكأني أمام مسلسل اشاهدة

شوقة متشوقة ليوم الخميس حتى تتابع الآحداث

دمت مبدع

وأنصحك بمحاولة جريئة منك تسويها

أطبع قصة من قصصك وسوف تجد لها رواج ما شاء الله

لمست فيك موهبة نادرة الوجود فى هذا الزمن

وهى بداية القصة دخلتها قوية

تجعل القارئ ما يتركها الإ لما ينتهى حتى يعرف ما حدث

دمت موفق بإذن الله

[۾ ـازن]

يؤ يؤ يؤ شووق وربي احرجتيني

بس تدرين مشكلتي الاساسية ماعندي احد يشجعني

الا انتووو وربي كلامك يخليني اطير السقف من الفرحة صرااحة كبر رااسي

يسلمووو خيتووو ع المرور الذوووق وان شاء الله كم قرن وتلاااقين تكريم لي

بجائزة نوبل لافضل كااتب هههههه

[!ا شــ الـ غ ــرام ـــوق ا!]

المشاركة الأصلية كتبت بواسطة -»مًــاآاآزْטּ||•● جميع الروابط  من ملفات وصور ووسائط وملفات وسكربتات وبرامج مخفيه وتستطيع مشاهدتها فقط عند تسجيلك بالمنتدى للتسجيل اضغط هنا

يؤ يؤ يؤ شووق وربي احرجتيني

بس تدرين مشكلتي الاساسية ماعندي احد يشجعني

الا انتووو وربي كلامك يخليني اطير السقف من الفرحة صرااحة كبر رااسي

يسلمووو خيتووو ع المرور الذوووق وان شاء الله كم قرن وتلاااقين تكريم لي

بجائزة نوبل لافضل كااتب هههههه

أبشر مزون
أنت بالفعل موهوب
وهذا بدون مجاملة لك والله
وفكر فى ما قلت
مش بعد قرن كما تقول
ولكن فى القريب العاجل
إن شاء الله
تمنياتي لك بالطموح العاجل
وليس المؤجل
دمت موفق دائماً وابداً

[۾ ـازن]

تسلمين والله وها الشي مو جديد منك


ربي يعافيك ولا يحرمنا من طلتك