يمه

[جرح الإحساس]

يمه

:::
الأم كلمة عظيمة , توحي بالوجود والحياة , يتناثر حنانها على كل جنبات حياتنا عبر أطوارها المختلفة . حنان وفداء وحرص ,فالله نسأل أن يحفظ لنا أمهاتنا اللواتي ظللن علينا بعطفهن وشفقتهن وحنانهن ,.

ولكن ماذا لو وقعت في مثل هذا الحوار مع أمك :) ..

في ليلة ما . جرى هذا الحوار الظريف المحرج : إليكم ===========>>
::

يمه يا أغلى كلمةٍ قالها إنسان .............. يابعد مايوجد من الأمهاتي
:
يمه ياشمعة نورت كل الأكوان............انتِ هواي وبسمتي في شفاتي
:
يمه أنا صابر ولا ألوم الأزمان.............والله مقدّر كل شي في حياتي
:
قالت غدت منّك جواهر وأفنان ........حلوات وش فيهن؟ بنات لخواتي
:
قلت اسمحي بقول كلمة على شان....مايكون في خاطرك بعض الشتاتي
:
أدري بنات أخواتك وبعد جيران..........لكن ولا وحدة تجي في أمنياتي
:
قالت شقي من يوم ماكان ماكان...............عنيد دايم ماتطبّق وصاتي
:
.قلت العفو والله على شانك انهان ......... لكن قلبي ماتصل له عصاتي
:
قالت شقاك اليوم سبّب لي جنان..............قلت أعتذر يامنيتي يا غناتي
:
ماهو شقاء هذا ولو بان ما بان........وش لون لو شفتِ شقاوة حيااااتي
:
قالت حياتك من؟! قلت هاه! غلطان......قصدي حياتي . هي حياتي حياتي
:
قالت أهااا... أحسبك عاشق وولهان........جاوبتها لالا ما أحب البناتي
:
قفت وهي تضحك وتغمز بالأعيان......وأنا وقفت ومنحرج من سواتي
:

بقلمي

جرح الإحساس

[ヌツフ]

قالت حياتك من؟! قلت هاه! غلطان......قصدي حياتي . هي حياتي حياتي
:
قالت أهااا... أحسبك عاشق وولهان........جاوبتها لالا ما أحب البناتي

هههههههههههههه

بجد الموقف محرج وحلوو وخطيييير خخخ

وناااسه الام لامن فهمت غمزات اعيالهاا

مبدع ياجرح والله يحفظ للجميع امهاتهم ..

[لأجل الوعد]

جروح
تقف الكلمات محتاره لهذا الجمال الشعري
مبدع ودماً انت بطرحك ومتميز
ننتظر القادم من تميزك وذوقك الرائع
تحياتي

[فـ∂ƒάħάـهـد]

جرح الإحساس
كلمآت رووعه وموقف يَروٌع :) الله يرزقك الزوجه الصآلحه..
دمت ودآم قلمك بمآ خط لنآ ..يعطيك العآفيهْ~

[شًِْمًوٍخٌِ آنْثٍْى]

جرح الاحساس


تسلم يدكـ ع ماكتبت

كلمات رائعه

تقبل مروي

أميرهـ